Мекемелер мен кәсіпорындар басшыларының назарларына. Қазақстан Орталық мемлекеттік мұрағаты құжаттарды мұрағаттық сақтауға алуды ұйымдастыру, құжаттық іс жүргізу, құжаттаманы басқару мәселелері бойынша түсініктеме береді. Мұрағат құжаттарын ғылыми-техникалық өңдеуден өткізеді. Мұрағат ісі саласында біліктілікті көтеру курстарын жүргізеді. Жеке және заңды тұлғалардың сұрауы бойынша тақырыптық және генеалогиялық сипаттағы анық-тамалар береді. Азаматтар мен мекемелер сұраныстары бойынша, оларды әлеуметтік-құқықтық қамсыздандыру мақсатында сақтауда бар мұрағаттық құжаттар негізінде еңбек өтілі, жалақы мөлшері және тағы да басқа мәселелер бойынша анықтамалар береді.

Қазақстан Республикасы «Орталық мемлекеттік архиві» «Ұйымдардың ведомстволық және меншік архивтері құжаттарын сақтау, есепке алу және пайдалануды ұйымдастыру» курстарын жүргізеді. Ұйымдардың құжаттамалық қызметтерінің және ведомстволық архивтерінің қызметкерлерін, офис-менеджерлерді, хатшыларды, хатшы-референттерді және т.б. шақырамыз.
Тыңдаушылар құжаттармен жұмыс жасауда, соның ішінде электронды тасымалдуыштардағы теориялық және практикалық дағдыларды алады. Курстың әдістемесі Қазақстан Республикасының архив саласындағы заңнамалық және заңға қосымша нормативтік-құқықтық нормаларын пайдалануға негізделеді. Дайындалған таратуға арналған пакет олардың күнделікті практикалық қызметінде аса құнды көмек көрсетпек.
Курс аяқталғаннан кейін тыңдаушыларға сертификат табыс етіледі.
Біздің мекен-жайымыз: Алматы қ., Абай даңғ., 39, байланыс телефоны 272-03-34.