Қазақстан Республикасы Мәдениет және спорт министрлігінің «Орталық мемлекеттік архив» республикалық мемлекеттік мекемесі

Жөнсілтер

Қазақстан туралы

Интернеті қабылдау

Байланыстар
Қаз
|
Рус
facebook instagram
НегізгіАрхив тарихыЖаңалықтарҚызмет көрсетуЗаңнамаЖарияланым
Жаңалықтар
Барлығын көрсету
27-07-2020

Жемқорлыққа қарсы іс-қимыл - әр азаматқа парыз
АЛМАТЫ. Бүгін Қазақстан Республикасы Мәдениет және спорт министрлігі «Орталық мемлекеттік...
20-07-2020

Пайдалы бос уақыт
ҚР Мәдениет және спорт министрлігі жазғы демалыс кезеңінде медицина қызметкерлерінің...
13-07-2020

13 шілде 2020 жыл
Мемлекет басшысы Қасым-Жомарт Тоқаевтың Өкімімен 13 шілде жалпыұлттық аза тұту...
10-07-2020

10 шілде 2020 жыл
Архив директорының орынбасары Мәрзия Жылысбаева марапатталды
Конференциялар
17 мамыр 2013 жыл
2013 жылы 17 мамыр күні Алматы қаласының Орталық мемлекеттік мұрағатының құрылуына 30 жыл толуына орай ұйымдастырылған халықаралық ғылыми тәжірбиелік конференция өтті.


05 сәуір 2013 жыл
2003 жылдың сәуір айының 3-де Әл-фараби атындағы Қазақ Ұлттық университетінің Шығыстану факультетінде Мысыр Араб Республикасы Елшілігінің Египет мәдениет орталығымен бірігіп, «Қазақстанның араб елдерімен тіл білімі, тарих және мәдениет салаларындағы байланысы» атты Халықаралық ғылыми-теориялық конференция өтті.


04 сәуір 2013 жыл
2013 жылдың 4 сәуір айында Қазақстан Республикасы Орталық мемлекеттік мұрағаты қазақтың аса көрнекті композиторы, қоғам қайраткері, КСРО халық артисі, КСРО мемлекеттік сыйлығының лауреаты, Қазақ КСР-ның ән ұранының авторларының бірі Мұқан Төлебаевтың 100 жылдық мерейтойына орай дөңгелек үстел және «Қазақ музыкасының бәйтерегі» атты кітап-альбомының тұсаукесеріне арналған көрме ұйымдастырылды.


18 қазан 2012 жыл
Қазан айының он сегізінде мұрағат «МИЦВА» Қазақстан еврей ұлттық ұйымдарының ассоциациясымен бірігіп, Халықаралық ғылыми конференция өткізді.


Жарияланым
Нәзік сезім
Алғаш өлеңдері Түркістан қалалық «Коммунистік еңбек» газетінде жарияланған 12 жасар жас ақын кейіннен қазақ халқына танымал ақындарымыздың біріне айналады.
Белгілі ақын Г. Шәмшиева 1958 жылдың қыркүйек айының 19-күні Оңтүстік Қазақстан облысының Түркістан қаласында дүниеге келген. 1975 жылы Түркістан қаласындағы Әл-Фараби атындағы орта мектепті бітіргеннен кейін, «Шұғыла» өлкелік комсомол-жастар бригадасына жетекші болып жұмыс жасаған. Ол 1982 жылы Қазақ Ұлттық университетінің журналистика факультетін бітіріп, арнайы жолдамамен Гурьев (қазіргі Атырау) облыстық Телерадио комитетінде тележурналист және диктор болады. 1984 жылы Гурьев қаласындағы облыстық ән байқауына қатысып, 100 үміткерлер арасында «Жер ана» атты әні арқылы екінші орын иеленеді. 1990 жылы Алматыға ақын Фариза Оңғарсынованың шақыруымен келген екен. Алдымен «Ақ желкен», сосын «Парасат», «Арай» жұрналдарының редакцияларында және «Қазақ радиосында» мамандығына сай жемісті қызметтер атқарған. 1994 жылы Г. Шәмшиева «Қаракөз дәурен» атты өлеңдер жинағы үшін «Қазақстан Жастар одағы сыйлығының иегері» атағымен марапатталады, сол жылы Қазақстан Жазушылар одағы мен Журналистер одағына қабылданады. Оның 200 жуық әндері бар, олардың біразы қазақша караокеге беріліп, 7 әннің альбомы жарыққа шыққан. Мәселен, «Гүлнар Шәмшиеваның әндері өз орындауында» атты авторлық аудиоальбомы, «Ботам», «Ақ Жайық», «Мен түсімде жаз көрем», «Нәзік сезім» т.б. ән альбомдары, сонымен қоса «Түркістаным», «Сиқырлы саз», «Бір және барым», «Көтерші жерден», «Қиямет күні» атты әндеріне видеоклиптер түсірген, сонымен қатар жарыққа шықпаған әндері де кездеседі.
Гүлнәр Шәмшиеваның «Аяулы Түркістаным», «Қыз монологы», «Көк көйлекті көктемім», «Анашым», «Жетім бұрыш» атты әндерін Нұрғали Нүсіпжанов, Гүлмира Ақүрпекова, Ақбота Керімбекова, Жанар Айжанова секілді халыққа танымал әншілер орындаған, ал оның сырлы әуендерін Мақпал Жүнісова, Ұлжан Айнақұлова, Рамазан Стамғазиев т.б. әншілердің орындауында радиотолқындар арқылы, теледидар жүзінде тыңдаушыларын тапқан. «Қазақ радиосында» елуге жуық әндері жұлдыздардың орындауында фонетикада сақталған. Сазгердің әндері тек Қазақстанда ғана емес, сонымен қоса Қытай, Қырғызстан, Өзбекстан, Қарақалпақстан елдеріне де кеңінен танымал. Ол алдымен туған жері Түркістан қаласында (1983, 1991, 1997) кейіннен Жаңақорған, Қызылорда, Атырау қалаларында, 1993 жылы Қазақстан Ғылым Академиясының Ғалымдар үйінің үлкен залында аншлагпен «Әнім мен жырым егіз» деген тақырыпта, Қазақстан Жазушылар одағының конференц-залында (1995, 2004), Қазақ Ұлттық мемлекеттік университетінің Студенттер сарайында «Қыз монологы» (1998) деген атпен және 2002 жылы «Бір және Барым» атты ән-жыр шығармашылық кештерін өткізген.
Гүлнәр Шәмшиеваның «Арайлы таң», «Тариқат жолы», «Қызғалдақ жауған әлем» атты поэзия, «Рахман нұры» атты проза кітаптары жарық көрді және «Қыз монологы» атты шағын ән кітабы әнсүйер қауымға ұсынылған болатын.
Ақын, сазгер, Қазақстан Жастар одағы сыйлығының иегері Гүлнәр Шәмшиеваның жеке қорының құжаттары Қазақстан Республикасының Орталық мемлекеттік архивіне 2001-2006 жылдар аралығында мемлекеттік сақтауға сый ретінде тапсырды. Осы құжаттар 1975-2006 жылдар аралығын қамтиды, ғылыми жүйеге 1-366 с.б. (іс) келтірілді. Архивте сақталған Г. Шәмшиеваның шығармашылық құжаттары түрлі жанрдан тұрады. Атап айтсақ: «Бәрі өткінші» атты әңгімесі, «Жетім бұрыш», «Адамзат ақылынан адаспайды» атты поэмалары, «Менің анам» атты лирикалық дастаны, «Жан досым Гүлмира Ақүрпековаға» арнауы, «Ерке жастығым» әні, «Күлім қалғанша өлең жазамын», «Жастық ай, оралмассың» атты т.б. толғаулары, Г. Шәмшиеваның афоризмдері, «Арайлы таң» атты өлеңдер мен поэмалар жинағы, «Тариқат жолы» атты діни-софылық өлеңдер, «Қаракөз дәурен» атты т.б. өлеңдер жинағы, «Ұстаз», «Зәуре салған ән», «Хабиб...» атты мақалалары, анасына арнаған «Өзіңді сағынып жүрмін, асыл анам...» естелігі, «Рахман нұры» атты эссе мен «Мәңгілік өлмейтін рух», «Алтын ғасыр алдындағы толғаныс» атты мифологиялық эсселері т.б құжаттарын кездестіруге болады.
Г. Шәмшиеваның қорында ақынның өмірбаяны мен шығармашылығынан сыр шертетін Р. Әлқожа, Л. Бектембекова т.б. берген сұхбаттары, Е. Әлі, Г. Әбілдаева және Ә. Балтаның «Қызғалдақтар өнерін» тамашалаңыздар», «Жерлес ақын-сазгермен жүздесу», «Қара домбыралы ақын қыз», «Ана туралы ән» атты мақалалары және де халық жазушысы Мәриям Хакімжанованың, белгілі әншілер Мәдина Ералиева, Нұрғали Нүсіпжанов пен Ақбота Керімбекованың пікірлері бар. Сонымен бірге Г. Шәмшиеваның жеке түскен, отбасымен, ақын Ф. Оңғарсыновамен, жазушы Ә. Таразимен, күйші-композитор С. Тұрысбековпен және әншілер Ж. Айжанова, М. Жүнісовалармен т.б. өнер қайраткелерімен бірге түскен фотоқұжаттары сақталуда.



Қазақстан Республикасының
Мәдениет және спорт министрлігі
«Орталық мемлекеттік архив» РММ
жеке тектік архивтермен және
тарихи-құжаттық топтамалармен
жұмыс жасау бөлімінің архивисі Гүлназ Рахмет


Барлығын көрсету

Навигация
Онлайн көрмесі
Мемлекеттік рәміздер
Қазақстан Республикасының Мемлекеттік Гербі, елтаңба - Қазақстан Республикасының негiзгi мемлекеттiк рәмiздерiнiң бiрi.
ҚР Президентiнiң "Қазақстан Республикасының Мемлекеттiк рәмiздерi туралы" конституц. заң күшi бар Жарлығымен белгiленген. Рәмiздiк тұрғыдан ҚР мемл.

Барлығын көрсету
 
Разработка и поддержка сайта - neon-group