Бүгінгі таңда Қазақстан Республикасы Мәдениет және ақпарат министрлігі Архив, құжаттама және кітап ісі комитетінің "Орталық мемлекеттік архив" РММ Өмірбек Қанай, Ықтияр Палтөре, Заңғар Құлмұхаммед, Меруерт Мұқатай сынды бір топ ғылыми қызметкері «Архив – 2025» кешенді жоспары аясында Түркияның Ыстанбұл қаласында орналасқан архивтері мен кітапханаларында ғылыми-ізденіс жұмыстарын жүргізуде. Осы жұмыс аясында ғылыми қызметкер Өмірбек Қанай Түркия СІМ Дипломатиялық архивінен Қазақстан тарихына қатысты құнды құжаттың аудармасын тапты.

Қазақстан Республикасы Мәдениет және ақпарат министрлігі Архив, құжаттама және кітап ісі комитетінің "Орталық мемлекеттік архив" РММ директоры ШІЛДЕБАЙ Сәбит Қамытбекұлы 7-8 тамызда Душанбеде өткен ТМД-ға қатысушы мемлекеттердің мемлекеттік архив қызметтері басшыларының консультативтік кеңесінің (бұдан әрі – Консультативтік кеңес) 20-шы отырысы аясында өткен іс-шараларға Қазақстан делегациясы құрамында қатысып қайтты.

Жуырда әріптес екі мекеме – Ахмет Яссауи атындағы Халықаралық қазақ-түрік университеті Еуразия ғылыми-зерттеу институты мен Қазақстан Республикасы Орталық мемлекеттік архивінің бір топ қызметкерлері «Орталық Азияның тарихи географиясы» бағдарламасы мен «Архив-2025» кешенді бағдарламалаық-нысаналы қаржыландыруы аясында Тайваньға барып, Тайбэйдегі Гугун Ұлттық сарай музейі мен өзге де архивтерде жұмыс істеп келді.

1334 жылы Әз Жәнібек (кейін Алтын Орданың атақты билеушісі болған Әз Жәнібек (?-1357) хан - авт.) сұлтанға (ханзадаға) арналып жазылған 96 беттік қолжазба кітап табылып, Қазақстанға көшірмесі алынды.

2024 жылы 22 тамызда Москваның Большая Пироговская көшесінде орналасқан архив қалашығындағы Федералды архивтердің көрме залында тың және тыңайған жерлерді игерудің басталуына 70 жыл толуына орай ұйымдастырылған “Здравствуй, земля целинная!” атты архив құжаттары көрмесінің ресми ашылуы болды.

2024 жылғы 7 маусымда Қазақстан Республикасы Мәдениет және ақпарат министрлігі Архив, құжаттама және кітап ісі комитетінің «Орталық мемлекеттік архив» РММ шет ел ғалымдары мен зерттеушілерінің ғылыми делегациясын қарсы алды.
Кездесудің мақсаты – ҚР Орталық мемлекеттік архивінің тарихымен, қызметімен, қорлардың құрамы және орта ғасырлар мен қазіргі заманның Қазақстан тарихы бойынша архивтің тақырыптық көрмелерімен, көрші елдермен қарым-қатынастар бойынша қазақ билеуші элитасының жазба мұрасымен танысу және келешекте бірлескен жобалар бойынша ынтымақтастық мүмкіндігін қарастыру.

Шымкент қаласында Қазақстан мен Өзбекстан арасындағы ынтымақтастықты нығайту мақсатында “Қазақстан мен Өзбекстан тарихын зерттеудің өзекті мәселелері” атты халықаралық ғылыми-тәжірбиелік конференция өтуде. Халықаралық ғылыми конференцияға Өзбекстан тарапынан “Узархив” басшылары, Қазақстан Республикасы Мәдениет және ақпарат министрлігінің архив, құжаттама және кітап ісі комитетінің басшылары қатысуда.

Құрметті Отандастар!
Сіздерді 4 маусым - Қазақстанның Мемлекеттік рәміздері күнімен құттықтаймыз!

1 маусым балаларды қорғау күні құтты болсын!
Балаларды қорғау күні халықаралық мереке. Осы тұста Біріккен Ұлттар Ұйымының бастамасымен балалардың құқықтарын, өмірі мен денсаулығын қорғауды басымды бағыты деп жариялады.